Messe!

Siste detaljar på plass, for i morgo skjer det.

Husflidslaget har den årlege salgsmessa, og eg har leikt meg med sølv og halvedelsteinar.

Nyttige saker for strikkarar – ganske pene også.

Men det blir nok baksten som blir mest populær i år også.

Snart skal me møtast for å rigge til utstillinga vår – etter same mal som i fjor  - og året før. Så skal me heim for å bake kaker til kafeen vår – som i fjor – og året før.

Gledar meg!

Hurra!

- for eittårsdagen!

Fjortisen og eg har trekt ein vinnar. Ho ville gjerne videoblogge hendinga, men mor er ikkje så eventyrlysten.

Me gjer det på gamlemåten:

Astrid, sender du meg ei postadresse, så kjem det ein konvolutt i posten til deg no ein dag.

Takk til dykk som var med på leiken.

Det vart sein kveld, dette her – men dagen har gått til jobb og quiltelagskveld, og vipps så er det no snart leggetid.

Quiltelagsdamene har fått ei innføring i fotooverføring til stoff i kveld. Trur det var greit med eit skriftleg samandrag med i veska heim.

Gibort (giveaway)

Berre 11 dagar igjen til eittårsdag!
Det må feirast, for dette har vore eit kjekt år.
Eg har oppdaga at maskemarkørar er kjekke å ha – dei held orden i spøtet, og så kan dei vere som små smykke. Mona Mono solgte meg nokre fine for ei stund sidan.


Desse, som er av eigen produksjon, er no verkeleg små smykke – i sølv, krystall og ametyst. Det er snart julemessetid i husflidslaget, og desse her er veldig hemmelege, altså.

Mamma held alltid korta tett til bringa i vekene før messa, og i år er eg visst smitta av henne. Så hysssj!
Har du lyst til å vere med på trekninga, så legg igjen ein kommentar til dette innlegget.
1. november trekker eg.

My first anniversary in Bloglandia is coming up soon.
That calls for a celebration, don't you agree?

As I have just discovered the blessings of stitchmarkers - proper, pretty stichmarkers, not the tacky plastic ones - I will be happy to share. The set pictured above is made from silver, crystal and amethyst. I am in the process of making some more of these, as our crafts guild's annual fair is coming up. I am very secretive about them, so don't tell anyone.

If you would like to be in the draw, just leave me a comment below.

I will be drawing a winner on the very first day of November.