Me har den årvisse husflidsdagen – og den prøver me etter beste evne å markere i husflidslaget slik i starten av september ein gong.
Så er det noko som kallast Knit in Public day – altså strikk i det offentlege rom. Neste veke skal eg vere med for fyrste gong. Før om åra har det kome for brått på, men no er eg klar.
Sogn og Fjordane Ravelry tel så langt 12 medlemmer, og fire av dei bur i utlandet – men me har planar for dagen.
Kor mange me blir, det er vel litt uvisst. Kanskje berre tre. Men altså: Gamle Fjøsen kafè på Ornes kl. 13.00 den 13.juni. Det går ferje frå Solvorn til Ornes kvar heile time.
Kanskje har du lyst til å vere med? Sleng deg med, då vel – enten det er KIP-dagen eller Ravelry-gruppa, eller kanskje begge to, som freistar.
Eller kanskje skal du arrangere din eigen KIP-dag der du bur? Det er så kos å samlast med denne hobbyen.
Bileta i dette innlegget ? Dei er frå eit nesten ferdig spøt. Berre knappar manglar – og så har eg tenkt å skrive oppskrift – til hausten ein gong.
Garnet er også fint til vottespøt:
Er det fleire enn meg som saknar eit eige strikkeforbund, slik som dei har i Sverige?
.jpg)
1 kommentar:
Hvis du starter Det norske strikkeforbundet, melder jeg meg inn. Jeg hadde ikke hørt om denne dagen før. Rart at ikke garnbutikker og -fabrikker hopper ombord.
Kjempelekkert strikketøy du holder på med! Det øverste prosjektet minner meg om den klassiske babyjakken svigermor strikket til datteren min og som Sandnes Garn fremdeles lager oppskrifter til.
Legg inn en kommentar