Eg var så nervøs før fyrste messehelga.
Tenk om ingen likte det eg hadde laga – tenk om eg vart sittande med ti kjolar etter at alt var over - - -.
Tid og pengar var investerte, og eg hadde sjølv teke initiativet til å vere med på dette her.
No hadde eg rett nok fått gode tilbakemeldingar på min eigen kjole, den fyrste i chenille.
Og så var det jo veldig gøy å leike seg fram til mønstring på desse kjolane. Denne her er trykt med stofftrykkfarge, men også med dischargepasta, slik at her er både teke vekk og lagt til farge.
Heilt ok til meg sjølv, men litt viltert for salg, kanskje.
Slik vart den eine av modellane mine. Svart chenille er ikkje det enklaste å fotografere, men eit inntrykk får du iallefall. Ordskya handlar om å høyre heime mellom høge fjell.
Ni av kjolane har gått – og den siste går kanskje i morgo. Iallefall kjem ei dame og prøver den då.
Her er framleis litt Fredriksons fabrikk, med nokre endringar på lengd og vidde.
Alt i alt er eg veldig godt nøgd, og synest det har gått supert. Dette ga meirsmak!
4 kommentarer:
Så gøy at du fikk solgt dem! - og de er jo rålekre, da :-)
Gratulere med vel overstått kjolesalg! De ser skikkelig kule og komfortable ut!
Nydeleg!
Fina tuniker/ marie
Legg inn en kommentar