Dei søte små

Maskemarkørane er komne til Lærdal, og skal freiste tilværet der nokre messedagar før jul. Det har sine fordeler å vere multimedlem i husflidslaga.

 

Det vart siste turen med kompisen før vinteren, då eg leverte dei. Kjølig, men flott tur.

Eg har ikkje heilt klart å sleppe dette med perler, og gjekk til innkjøp av perler til strikking på laurdag. Desse har store hól, slik at det skal gå an å træ dei på garnet. Det finst mykje flott på Ravelry – eg er i tenkeboksen enno. No er dei iallefall i hus.

Så var eg innom ein snartur i Lærdal sist fredag, og leverte nokre hovudplagg. Det er heilt annleis å lage chemo caps når du kjenner mottakar.

Easy cap frå Debonnaire i litt omarbeidd versjon er under arbeid her. Alpakka luner så godt.

Ein liten kalott som står godt til nydelege blå auge.

Og så vart det ein tjukk, god fleecehatt til utebruk. Hattesaum er gøy!

Status no

Masse halvferdige arbeid. Nokre av mangel på garn, andre av mangel på arbeidslyst.

Hugsar du Bento box blokkene mine?

Dei har vorte til ein topp, og fått på seg litt tekst i eine sida. Eg har “knipsa” dei saman med plasttaggar. Då kan eg handquilte – om eg får lyst – utan å få limkliss på nåla. Eg har perlegarn og lang nål klart her.

Arbeidslyst, kom til meg - - - (saman med litt betre pust)

Messe!

Siste detaljar på plass, for i morgo skjer det.

Husflidslaget har den årlege salgsmessa, og eg har leikt meg med sølv og halvedelsteinar.

Nyttige saker for strikkarar – ganske pene også.

Men det blir nok baksten som blir mest populær i år også.

Snart skal me møtast for å rigge til utstillinga vår – etter same mal som i fjor  - og året før. Så skal me heim for å bake kaker til kafeen vår – som i fjor – og året før.

Gledar meg!